中山置業 氣派豪宅曝光 黎耀祥讚內地生活便利
香港文匯報訊 黎耀祥近年經常內地與香港兩邊走，因此向來愛買磚頭保值的他，除了在港住在市價逾三千萬的上水天巒獨立屋外，亦特別在中山買下豪宅，最近他與太太Julia招呼好友朱凱婷到其中山家中作客，令中山豪宅曝光。
片中所見，3人在客廳閒談，見客廳除了擺放一張L形梳化外，另外還有一張單人椅及雲石茶几，牆邊設有一排長櫃，裝修極具氣派，而落地大玻璃更令全屋採光度十足，空間更見闊落。露台就擺放了不少植物，還設有枱凳，閒時可以邊喝茶邊遠眺戶外景色。
跟太太已在中山住了幾年的黎耀祥表示，除了香港，他亦十分看好大灣區內地城市的發展，並說：「可能始終都係廣東人啦，對廣東始終有親切感，譬如我做嘢成日去北京、杭州呀，杭州我都好鍾意嘅，風景又好，但總係冇嗰種要定居嘅感覺，中山就唔同喇，好多嘢都好親切。」他更大讚內地生活便利：「特別係民生方面，一部電話衣食住行搞掂晒，有時我哋兩公婆忽然間想食個下午茶，就算十幾蚊嘅蛋糕都可以叫到上門，好方便呀。」
