黃心穎愛得高調 馬明讚好
馬國明（馬明）、陳展鵬、劉穎鏇及陳山聰等昨為《隱形戰隊》做宣傳，展鵬以終極Big boss身份亮相，他表示十年沒演奸角，今次覺得好有新鮮感，「我鍾意演反派，以前角色都係亦正亦邪，今次完完全全一個奸角，覺得好好玩。」馬明就大讚展鵬每次的演出都帶給他驚喜：「佢每一場出嚟個張力都好強，其實劇本寫到主角幾勁都好，都要有好強勁對方做Big Boss，如果分量唔夠，點帶起到班主角嘅勁。」談到舊愛黃心穎與男友泥鯭愈愛愈高調，「咁咪好囉，都想佢開心。（想唔想心穎快啲結婚？）呢個要問佢，我唔可以話想唔想人哋結婚，（心穎有冇恭喜你快將結婚？）冇冇冇。」
