【街坊心聲】憶「長命斜」炒車 居民有餘悸
北角炮台山道「長命斜」3月5日發生交通意外至今半個月，但不少居民仍猶有餘悸，每次路過上址也提心吊膽。其中位於事發斜路旁的一間西餅店職員關小姐在接受香港文匯報訪問時表示，意外中一名重傷昏迷者正是其同事，「她雖已脫離生命危險，但仍處昏迷狀態。」她坦言，該斜路是街坊的心腹大患，「條路（炮台山道）又斜又彎，好多司機落斜未必望得清楚個路口，同埋好多貨車鍾意衝燈，平時過馬路都好驚。」
一些居民甚至不再信交通燈。關小姐說：「就算見到行人綠燈亮起，也不敢過馬路，一定要見到連車都在斑馬線前停低才敢過馬路，因為我們受傷同事就是行人綠燈過路而不幸受傷。」
上址一間眼鏡店負責人林太表示，上址的交通意外頻生，「唔好以為炮台山道得今次呢單意外，有好多冇報道你哋唔知，我哋街坊先知。」她表示，炮台山道是不少「搵食大車」每日必經之路，「好多時候朝早來開舖，見到路口條燈柱又歪咗，就知清晨有大車司機撞到燈柱，咁嘅事已經多次發生。」
與炮台山道相鄰的長康街在2018年更發生5人死亡的嚴重交通意外，位處路口的一間店舖負責人劉小姐對當年慘況歷歷在目，「?家都驚緊。」她表示：「大車喺咁斜嘅路真係好易失控，所以我過馬路時，就算大車泊定，我都唔敢即時過，情願等大車駛走，等多一輪燈先過馬路。」
在街坊眼中，這些斜坡路面本身的問題光靠防滑砂、警告牌等對加強道路安全的作用有限。關小姐稱：「炮台山道已經鋪咗防滑砂，都係無用，尤其係大車，根本煞唔切。」林太則無奈道：「條路點整都無符！」
街坊認為80歲以上長者仍駕車是超負荷，「私家車我哋唔理，你體檢無問題你自己揸喇，但係公眾交通工具，政府真係應該限制，80歲唔好仲揸，成車人性命喺佢哋手上。」
