黃宗澤自揭 臨時加床戲背後真相
香港文匯報訊（記者 子棠）胡定欣、王浩信、譚俊彥、黃智賢、黃宗澤、蔡思貝、戴祖儀等演出的電視劇《廉政狙擊》 進入結局周，之前在內地播出後引發熱議的床戲，亦將於今晚的第二十一集播出，黃宗澤更自揭係始作俑者！
劇情講述蔡思貝有感與黃宗澤遲遲沒有進展，聯同黃宗澤的心急抱孫媽咪黎燕珊，夾計灌醉黃宗澤令二人米已成炊。 原來該場床戲，是黃宗澤與導演即興「度」出來，黃宗澤早前與王浩信在訪問中，黃宗澤自揭臨時要求加床戲背後真相：「其實劇本本身冇嘅，只係有類似嘅嘢，咁我就同導演講點樣場戲可以好睇啲，因為套劇太沉重，但我覺我屋企嘅戲可以輕鬆啲，因為有個搞事嘅阿媽，又有個傻大姐蔡思貝。我哋係咁傾係咁傾，講到話我阿媽成日好想我成家立室，我就話不如個阿媽同未來新抱夾計去搞呢件事出嚟啦，導演聽完都覺得好新鮮，仲話『好少咁拍喎，不如試吓』。之後導演就返去寫咗出嚟。」黃宗澤續指去到拍攝現場都有繼續為該場口「加料」：「我加咗做節嗰part，我問『咁好餸嘅？發生咩事？』跟住就度咗話不如勞動節，勞動節都做節？都幾得意吖！其實醒返嗰幕都係臨時度出嚟，我哋都係想大家睇咗覺得好笑。」此外，胡定欣和王浩信在劇中聯手對付隱形Big Boss，發現不止一個人。
