夏蘭特又戴帽 目標入60球
哥帥換走怕破美斯紀錄 名宿舒利亞深感佩服
繼歐聯獨取5球後，夏蘭特又在英足盃8強上演帽子戲法，協助曼城大炒「英冠一哥」般尼6蛋晉級。目前此子各項賽事已累積42球，除追平了C朗拿度為曼聯所創造的最佳入球紀錄外，更朝着終極的60球目標進發。賽後主帥哥迪奧拿笑指「提早換走佢係怕破美斯紀錄」，就連英格蘭名宿舒利亞亦對其表現心悅誠服。
哥迪奧拿賽後說：「夏蘭特將來會有麻煩喇，因為所有人都相信佢可以每場波入3、4球，但堅係無可能會發生啦……不過我好了解佢，佢係唔會理會呢啲嘢……只要我隊波保持到呢個強度，佢好快會再入波。」在對RB萊比錫入5球後，哥帥換走他，是次在入3球後，哥帥又換走夏蘭特，賽後他笑笑口說：「我唔想佢喺英足盃打破美斯嘅紀錄。我嘗試懲罰我嘅球員，呢個係我嘅意圖！」據悉，美斯當年在哥帥麾下曾對利華古遜時入5球。
差兩球追到沙拿 雲佬
這是夏蘭特今季第6次帽子戲法，個人入球數達到42球，追平了C朗拿度在07/08球季贏得金球獎時，為曼聯創造的最佳入球紀錄，與沙拿和雲尼斯特萊所創的44球亦只差2球，相信上世紀20年代，迪斯甸恩所創的60球才是夏蘭特的終極目標。
擔任評述員的英格蘭名宿舒利亞，以「一頭野獸」來形容夏蘭特勇猛，說：「佢係為目標而生， 如果佢入唔到波，夜晚就會瞓唔着。」又指：「夏蘭特喺最合適嘅地方發展，仲有個好好嘅教練…… 如果佢繼續為目標而戰，佢將會成為最好嘅球員。」言談間盡顯對夏蘭特的佩服之情。
