首演奸角 怕出街被人鬧 羅霖演技俘虜三子做劇迷
香港文匯報訊（記者 子棠）黎燕珊和羅霖兩位58歲的選美冠軍在劇集《廉政狙擊》中的角色反差極大，各自飆戲！黎燕珊專誠化老妝棄靚樣扮師奶認女「食檸檬」惹同情，羅霖首演奸狠扮尖酸﹐並分享簡單的「逆齡」之謎。
羅霖在劇中最初以大方得體又賢慧的「人畜無害」一面示人，在前晚的一集，終露出面目猙獰、皮笑肉不笑的「真面孔」，加上尖酸刻薄的對白，整場戲相當有壓迫感。首次飾演奸角的羅霖坦言接到角色一刻確實有點擔心會「出街畀人鬧」，後來想深一層做演員就是要接受不同的挑戰，並於開拍前看了不少「尖酸刻薄」角色的演繹方法，因而構思出一套屬於角色的刻薄：「我覺得所謂上流社會，佢哋嗰種尖酸刻薄係帶住恥笑同嘲諷，同埋要有氣場。很開心出街後收到很多正評，被以角色人物稱呼外，更試過走在街上有人主動說做得好，令我大感意外。而三名囝囝都做了我的劇迷，會畀Comment我，佢哋每晚都會好緊張問跟住落嚟會點呀？下一集會點呀？你個下場係點呀？」
有「美魔女」之稱的羅霖分享護膚心得指：「我一年四季都用凍水洗臉，凍水洗面會收細毛孔，如果用太熱嘅水會令到毛孔擴張，容易引起過敏。」至於如何維持美好身段，她驚爆並沒有向澱粉質Say No：「我會少食多餐，每餐食六成飽，每日可以食三四餐，因為我鍾意食澱粉質，我就會食少啲肉，另外每日做10至15分鐘運動，我比較喜歡伸展運動同瑜伽。」在劇中造型多變亮麗的她，還透露原來所有手袋及鞋子都是私伙。
黎燕珊化老妝扮守舊師奶
黎燕珊在劇中捨棄靚樣飾演嘮叨傳統守舊師奶入型入格，其與女兒相認一幕勁「催淚」。黎燕珊透露是刻意化老了自己，以配合劇中仔女已長大成人，很開心網民受落：「大家話平時我好亮麗，今次見我咁大犧牲，都話欣賞我嘅專業，好多謝大家。呢套劇內地開播時，網民話劇入面有10位演員演得好，我當時係排第四，好開心網民咁喜歡。」談到與胡定欣的合作更稱：「簡直係享受！因為大家都好重視合作嘅緣分，同演得好投入。現在每逢見到定欣，我哋都會用媽咪同阿女稱呼大家。」
