劇中被容天佑摸身零尷尬 劉佩玥指溝通夠拍得安心
香港文匯報訊（記者 子棠）劉穎鏇（Tiffany）、劉佩玥（Moon）和唐詩詠在前晚播出的一集《隱形戰隊》中各自身陷險境；劇中Tiffany與Moon不單止要犧牲色相以水着Look登場，還要被水淋及深夜在森林逃亡。Tiffany表示拍攝這幕戲最難忘的是要捱凍跑山，Moon則透露被容天佑摸腰搜身零尷尬！
Tiffany稱拍攝相關場口雖然辛苦，但也蠻好玩：「未試過任何武器都冇，只能夠逃走，佢哋仲要有晒槍，我記得好似喺南生圍拍，我哋要利用好多位置走嚟走去。嗰一晚除咗要不斷跑嚟跑去，仲要跌落個榻榻米度，我嗰刻其實乜都冇諗，個focus只係點樣做靚個動作。」談到難忘點滴，怕凍的Tiffany笑指：「我覺得嗰場都算豁出去，個環境又污糟，又要瞓地下，又要撼落棵樹度，已經冇得顧慮太多，同埋嗰晚又係超級凍，但我哋又要吓吓都噴濕個身，因為講我哋係被人淋醒，所以係喺超級凍嘅情況下拍攝，每次一cut機都要即刻攞返件褸或搵暖爐保暖。」
Moon在劇中要被容天佑摸腰、摸大髀、上下其手兼搜身，卻表示零尷尬，大讚台前幕後都很專業貼心，所以拍得安心又放心：「因為我同天佑唔係首次合作，所以可以好直接溝通、去傾應該點做，監製Jazz（文偉鴻）亦有清楚指明我哋可以喺咩位做到咩效果，亦都有用鏡頭去遷就返，所以所有嘢都係點到即止，唔會話有咩唔舒服或者尷尬。」
