列拿特轟71分 勁到癲要藥檢
早前拿下了NBA明星賽三分王大賽冠軍的拓荒者球星列拿特，昨晨領軍主場迎戰火箭，結果列拿特啟動瘋狂搶分模式，全場狂轟71分，追平之前由騎士主將米曹寫下的71分今季單場得分最多紀錄。列拿特在球場上無畏無懼，所向披靡，但賽後卻遭逢「大驚嚇」，事關最怕打針的他被選中要做抽血藥檢，令他高呼「怕怕」！
今場就是列拿特的個人騷，全場上陣39分鐘，38投22中，三分球22射13中，14次罰球全中，最終拓荒者主場以131:114擊敗火箭，而列拿特亦成為了NBA史上第8位單場轟入「70+」得分球員。賽後這位32歲得分後衛回到更衣室，接受隊友鼓掌致意，並獲贈今場比賽用球，而主帥比立斯說：「我之前都冇睇過佢咁樣嘅表演，就好似今晚咁，你要防佢根本乜都做唔到，我只係唔想做佢對手。」
值得一提，列拿特今場賽後被選中作抽血檢查，他說：「老實講，我喺度諗，喺咪真㗎？尋晚先驗完尿，今日又抽血，最慘係我根本好怕打針囉！」
