彭慧中事業停滯恐遭遺忘 高 Ling憶自身經歷眼濕濕
無綫旅遊節目《吃貨橫掃曼谷》昨晚一集，主持高海寧（高 Ling）、彭慧中、陳星妤及林澄光去了曼谷Safari World餵飼長頸鹿，之後又分別跟極具演藝細胞的猩猩上演求愛大作戰，當中以彭慧中表現最大膽，與猩猩齊齊伸脷影合照，彭慧中事後說：「隻猩猩明星真係超級勁，一嗌roll機即刻入戲，起碼錫咗我20啖，一cut機即刻擰歪面唔理你！」
至於今晚一集，高Ling就邀請彭慧中到精品酒店共進午飯，高Ling一來便開門見山：「我見到網上有人話覺得公司爭你一個交代，你覺唔覺？」她亦覺得彭慧中值得在事業上擁有更多，又大讚對方勤力：「例如今次你知道我哋去邊，會事先上網做晒功課，等去到現場多啲嘢講，我好欣賞你呢樣嘢。」彭慧中聞言表示：「好多人都係咁講，我都覺。」語畢又補充指其實只係「爭咗啲嘢」，當中包括機會：「都成12年喇，我真心講句，我覺得自己事業停滯不前，我唔想人哋唔記得我。」高 Ling聽畢大為感觸，並強忍淚水謂：「我好明白，我都有年半冇做過嘢，啲人喺街度都會話『高 Ling好耐冇睇過你嘅電視劇』。」
