增灣區音樂頒獎禮 與《勁歌》輪流辦
TVB復辦賽馬日 逾40藝員出席支持
《TVB賽馬日2023 》昨日於沙田馬場舉行，TVB主席許濤、總經理（節目內容營運）曾志偉、總經理（商務營運）蕭世和，率領超過40位藝員出席，包括應屆港姐、汪明荃、陳豪、譚俊彥、陳展鵬、黎諾懿、江美儀、高海寧、 姚子羚、陳煒、吳若希、陳嘉慧、吳業坤、劉丹、朱晨麗等，而《中年好聲音》參賽者亦即場獻唱。
曾志偉表示《TVB賽馬日》相隔22年今年復辦，是適逢疫情剛過去，希望與眾同樂，亦可藉賽馬日做善事。問他可有馬匹出賽？「啲馬走得七七八八啦，而家同朋友仲有一齊夾份養兩、三匹馬，買馬係可遇不可求，有啲馬好平買返嚟結果就贏大賽，啲馬好貴未必會贏，再養馬都要講緣分。」他又表示買馬不會全信貼士，有時更會用自己幾十年的資料落注，而這些年來是輸多過贏。近日通訊事務局公布免費電視台及電台牌照中期檢討，有觀眾批評TVB節目比較懷舊及欠缺新意、偏向中年觀眾為主，問志偉新一年節目會否有多些新意？他承諾一定會有：「公司有幾個部門會繼續研發啲新節目同劇情，與時並進係好重要。」提到港台今年獨立舉辦音樂頒獎禮，TVB今年可會舉行《勁歌金曲頒獎典禮》？志偉透露「勁歌」頒獎禮將變為兩年一屆，中間會舉辦《大灣區音樂頒獎禮》，而今年首辦的《大灣區音樂頒獎禮》將有香港、內地及東南亞歌手參與，預計今年8、9月舉辦。
陳豪手沖咖啡籌款
陳豪昨為TVB暨職藝員愛心基金獻出第一次手沖咖啡籌款，第一杯「陳豪咖啡」更得到許濤率先慷慨捐出港幣12,888元。陳豪表示已幾年沒入馬場，而今次會主力沖咖啡，未必有時間投注。譚俊彥笑說：「因坐喺曾志偉附近，唔覺意聽到幾個號碼，（預算幾多賭本？）冇特別設預算，本身唔識賭馬，亦冇乜賭運，但喺看台睇馬匹衝刺覺得好震撼。」江美儀坦言會落注少少，「現場有好多貼士，好多都係?流?，堅嗰啲自己又買唔切。」美儀日前為有份主演的電影《易經風雲錄》包場，邀一眾親友觀看，前夫吳君祥及前奶奶「冬嬸」亦有到場支持，她稱與前夫一直關係好好，大家仍是朋友，至於可有復合機會？她笑說：「我想嘆吓新嘢，因為師傅話我60日內好大機會有桃花，係好桃花，所以唔好寫我哋復合抹殺我啲機會，做人要向前看，前夫亦沒有特別表示。」
港姐林鈺洧（Denice）、許子萱及梁超怡已是第二次入馬場，子萱與超怡上次因有貼士而有所斬獲，但Denice卻要輸錢：「原本贏少少，但之後輸番，我冇乜橫財命。」不過今次為支持公司她揚言會下重注：「我將銀包最大嗰張紙幣用嚟落注，會買100蚊，對我嚟講已係重注。」陳嘉慧首次到馬場，特別以盛裝出席，「我未賭過馬，以為至少要買500蚊，所以帶咗幾千蚊，後來發現可以買10蚊一注，即時收番起啲錢，不過都買咗幾百蚊。」
