加納國腳地震後驚險獲救
土耳其與敘利亞日前發生大地震，死傷不少，根據在土耳其球會阿達納執教的前意大利國腳蒙迪拿透露，當地球會甚至有球員遇難，而曾効力車路士與紐卡素的加納國腳阿蘇，在一度失聯後，已被搜救人員從一棟建築物廢墟中救出送院。
「飛機仔」蒙迪拿表示：「土超聯賽依家全部停擺，我哋全隊之前仲喺伊斯坦布爾，雖然距離震央有一段距離，但地震感覺一樣好強烈。好多球員都擔心家人安危，我都畀佢哋放兩、三日假。依家仲不斷有餘震發生，據我所知，甚至有球會已經有球員遇難。」
另方面，効力土超球會哈塔伊的阿蘇，地震後一度失聯，而其多位隊友則在地震後第一時間被救出，可幸根據最新消息，阿蘇昨日亦已獲救，傷勢情況則未有透露。此外，哈塔伊女排亦有14名隊員被埋在廢墟下，仍有待搜救。
