42歲生日靜思己過 軒仔為不慶生傳聞解畫
張敬軒、馮允謙、周興哲、陳蕾和林愷鈴昨出席品牌活動，前日（1日）度過了42歲生辰的軒仔表示希望能旺到老，至於如何慶祝？他笑稱是一個人靜修檢討過去41年做得不足之處，並為其生日傳聞解畫：「由於我過往都唔慶祝生日，因此圈中有好多傳聞，甚至傳到跟我講句生日快樂都會發嬲，我又冇咁變態，其實係我8歲生日時，有人送咗隻狗仔畀我，但因為當時廣州唔可以養狗，加上爸爸又係公務員，有次放學回家發現狗仔被送走，我喊足兩個星期，所以奉勸為人父母做任何事都要三思而行，否則會對小朋友造成影響。至於長大後唔想慶生，純粹係唔想麻煩到朋友；不過隨着人愈大愈珍惜身邊人，今個生日都有相約朋友食飯和收禮物。」提到他圓心願當上千萬男星，首當男一的電影《超神經械劫案下》已衝破千萬票房，他表示會持續謝票至2千萬票房，稍後還會包場請同事睇這部戲。
馮允謙數日前自加拿大度歲完返港，現時仍有時差，不過就很開心，因已多年沒跟家人一起過年，並且在3月舉行首個紅館個唱前能稍作休息，而現時要開始練聲、練歌、排舞及節食，不諱言新春期間吃方面放肆了。
