公羊主帥剋住韋斯咸
「公羊」打比郡領隊華尼（圓圖）雖然並非頂級名帥，球員時代亦非頂級球星，但原來早在2003年以球員身份効力當時身處次級聯賽的洛達咸時，就曾協助球隊將牌面超班的韋斯咸打敗，寫下當時佳話。
話說當年由英超降班的韋斯咸，一次聯賽作客洛達咸時，因為嫌棄主隊球場更衣室太細，最後選擇在酒店更衣便直去球場；此一消息之後傳到洛達咸大軍身上，反而激起對手鬥志，結果當年擁有占士、卡域克及迪科爾等頂級球星的「錘仔隊」輸0:1而歸。
華尼回憶表示：「我哋會諗『你哋當自己係邊個咁巴閉呀！』然後踢出最好表現砌低咗佢哋。」不過，華尼強調今場不會對打比郡有太大期望，似是要為球隊減壓：「英超同英甲實力上係有巨大距離，我唔會話要踢出好似大衛挑戰哥利亞嘅鬥志，但只係期望會有好表現。」
