張振朗拍劇撼爆左眉骨 樂易玲安排整容醫生縫針
香港文匯報訊（記者 梁靜儀）曾有「地獄黑仔王」之稱的張振朗，近日與陳山聰及劉穎鏇合作拍文偉鴻監製的無綫新劇《奪命提示》， 昨晚凌晨一時許在將軍澳電視城拍攝期間，不慎被座地燈撼爆左眉骨處，即時血流如注，由於傷口太深需入院縫7針，幸好經治療後沒有大礙，已出院回家休息，振朗亦不擔心毀容，並笑說：「男人要有撻瘌至型啲。」
無綫高層樂易玲表示，意外發生後接到監製電話， 隨即安排他到私家醫院治療，為免振朗縫針後不靚仔，更安排相熟整容醫生為他縫針。
已回家休息的振朗，昨日接受電話訪問時聲線不俗，他說：「做完手術已冇大礙，只需休息一吓。（受傷經過？）當時正拍攝一場動作戲，已做足安全措施穿好護㬹、護腕，亦有武指在場指導，冇諗到會發生意外，畀一盞包咗膠嘅座地燈撼落頭，我又做返地獄黑仔王。（可擔心毀容？）男人有撻瘌至型啲。（縫咗幾多針？）7針，只係皮外傷，一個星期後可拆線，好彩冇打中隻眼影響到視力，智力亦冇受影響，無須做腦部檢查。（女友楊偲泳是否好擔心？） 基本上我冇話畀屋企人知，唔想佢哋擔心。」他又感謝監製和樂小姐安排醫生給他，令他感到安心，而且同今次劇組合作很開心，因一直都想拍有少少動作的戲，故希望可以盡快康復復工，不影響拍攝進度。樂易玲透露振朗本月21號拆線，但最快也要過年後才開工。
