加盟英皇娛樂求突破 李幸倪挑戰跳唱歌

  前日宣布加盟英皇娛樂的李幸倪(Gin Lee),昨發布加盟新公司的首支派台歌《Dum Dum》,並首次挑戰跳唱歌,「因為這次重新出發,有一個新的機會重整自己,想要好好把握這個機會,今次最想achive嘅嘢係『突破』,同埋要畀大家煥然一新嘅感覺。」

  MV方面,Gin 以4個造型示人,其中她最喜歡的是cool爆黑西裝「Hunter Gin」,「我對con勁淺色,好似變咗第二個人;頭髮都經過好多次處理,漂咗染咗4、5次,坐咗幾十個鐘先有呢個效果。我好鍾意呢個character,係『Hunter Gin』,佢會消滅所有唔好嘅我、唔同嘅Gin,令我可以重生,變成一個更好嘅自己。」為了應付跳唱部分,Gin每日均花3至4小時練舞,「依家有信心去做每一個動作,成個過程我係覺得好唔容易,但係我好enjoy,雖然我好鍾意跳舞,但唔係由細去學,所以要將勤補拙。」除了跳舞,她亦特意加操身形,要以最佳姿態示人,並自爆:「起初做Gym心跳到140左右便會感到頭暈,差不多每次都做到暈,後來慢慢適應,就算做激烈運動心跳到180多都沒問題。」