雲格「險簽」終成真
阿仙奴今季在英超表現神勇，在聯賽榜一枝獨秀，中場重心馬田奧迪加特當然是最大功臣之一。早前回歸酋長球場睇波打氣的「兵工廠」傳奇名帥雲格爆料，早在奧迪加特只得15歲時，「雲爺爺」已經打算將他簽入，雖然當年未能成功，但如今這位24歲挪威國腳亦由「險簽」變成「廠員」，他也深感安慰。
雲格表示：「我喺聖誕比賽之後都同佢（奧迪加特）傾過，我嗰陣用盡辦法都簽佢唔到，好彩依家佢都喺度。佢令我諗起年輕版嘅法比加斯，踢法全面，能夠冷靜分析比賽，最緊要係佢15歲已經好勁，做決定又快。之前我曾經擔心佢好似失去創造性，但自從佢嚟到阿仙奴後，又成功搵番創造力，我真係好鍾意睇佢比賽呀！」
