【一矢中的】極速駿馬正時機Ｗ
第三場「多多」季內跑谷草有贏有位，上場直路巴度取位論論盡盡並非真敗，今次易配捲土重來，補中機會相當樂觀。「雙節棍」季內四戰俱所負不遠，可見健康經已重回正軌，熱夠身後大幅加程跑一哩，按同父馬表現計數，提防在此平地一聲雷。
第四場「電子大師」上場賽後驗出氣管有血落敗有因，今次賽前連番拍跳加強砥礪狀態冒起，班利馬有權在此東山再起。「常勝心」上場縮程加面箍原本彌補路程不足，但跑落確實欠進步，今次加程跑回千二米，預計出閘後有三兩匹快馬遮擋，末段衝一段可能更佳，退熱後值得再追。
第五場「極速駿馬」上季三捷谷草短途，上場在陳嘉熙胯下放入亞軍見復甦，今次賽前試泥閘掄元磨利槍頭，估計今場屬最佳交代時候。「電訊驫馬」經暑期悉心調校之下，今季復出即在谷草千二米開齋，之後一口氣連輸六場，比贏馬時低兩分可以打反擊。
第六場「正時機」於澳洲出賽六次取兩冠一亞，曾勝千四及千六米，今季易廄後已有兩場實戰熱身，今次賽前由史卓豐一手操好，增程跑一哩正合時宜。「歡喜心」鐵馬跑谷中一哩最首本，如今減好分重返四班形勢可反客為主，屆時賠率非太熱，值得博反彈。
第七場「大紅包」近六場獲兩冠一亞一季一殿，上場谷草千二米排十二檔照樣落飛得手，可見健康回穩之後持續反彈，三班過客再贏無阻力。「閃耀榮光」季內田草曾跑得第三名，上仗轉來谷草也入Q，一再展現極佳戰鬥力，以其主動跑法，隨時賺形勢贏馬而回。
第八場「肥仔威威」近三場獲兩冠一亞俱在谷草一哩，尤其上場初上三班照贏如儀，估計仍有不少評分尚未兌現，方嘉柏馬房有權憑此駒增添進帳。「全才」來港時名氣響亮，但跑落尚未贏馬令人失望，如今加盟韋達馬房發展只求贏，今場強手寥寥可數，沿用留前鬥後跑法，乃贏馬的黃金機會。
