【一矢中的】好運寶馬平海掌星
第五場「極速奔馳」上次再出跟前跑第二名不敵「勝賢」，前駒上三班都力拚得第二名，證明賽事水準唔弱，今次強手已去應到坐正之時。「快利寶」今季評五十分一出即勝谷草一哩，目前評四十九分已重拾優勢，近兩場千二米都追得似模似樣，今次加程跑千四米肯定合腳法，冷味十足。
第六場「好運寶馬」熱身一場後上場轉來田草千二米，直路上搵到空位衝刺立即贏馬，三歲仔質高有力添食。「好拍檔」上場轉去谷草末段受阻之下難以力策得第四名，復課立即交由潘頓接手連跳兩課，做足工夫而來係時候見真章了。
第七場「帝豪寶寶」上場在千二米重開勝門，同場亞季軍再出經已補中，贏完上從化悉心操好，今次再戰食糊路程有力梅開二度。「顏色大師」三歲自購馬於澳洲出賽六次取兩冠一亞，贏馬路程為一千及千一米，上場在港初出千二米已跑得接近，熱身後再來可提升名次。
第八場「平海掌星」今季搵到新出路，季內四捷直路賽事姿態猶有餘勁，上次加程無功之後，復課試好大閘立即重返勝途直路賽擺明會再出擊。「大紅包」七歲馬戰鬥力依然高企，性能谷田俱宜，今次屬呂健威馬房首選應是主力所在。
第九場「百勝名駒」在愛爾蘭勝出千四及千六米兩場賽事均於變化地上，來港後由千二米跑起，上場首次跑一哩後上第五走勢吸引，汲取路程經驗再來提防一步到位。「保羅承傳」今季轉四歲大幅進步，季內獲四冠三亞一季好成績，大熟當打馬連拚未疲加上跑法主動，且放且留隨時又一次帶到。
第十場「佳運財」三歲仔今季四出四捷，贏馬姿態越來越輕鬆，證明本身持續進步，跑法不論留後或跟前都沒有問題，下季跑四歲經典一哩賽必是實力分子，目前在二班上陣無甚阻力可言。「美麗笑容」近七場獲兩冠兩亞兩季，上次加程千六米輸多少氣量得第二名，今次返回兩捷勝途千四可補中。
