黃貫中廣東道倒數一肚火
圖：阿Paul有朱茵陪伴度過平安夜
黃貫中（Paul）前晚以打頭陣歌手於廣東道獻唱倒數迎聖誕，Paul於臨開騷前才趕到，他到場即向記者炮轟於街上被警察阻攔，結果兜了三圈也未能下車。Paul於台上唱「Heroes」一曲，除了勉勵港人，亦送給一班警察說：「佢哋都辛苦，但唔使咁躁，我係嚟唱歌唔係偷嘢。」全場觀眾即報以歡呼聲。
官僚作風
事後Paul說：「我明白明愛醫院門外點解死人，官僚作風唔識執生，態度又差，我唔係嚟玩阿Sir，捉賊槍戰又唔見咁兇猛、機靈。」Paul謂自己識一些做警察的朋友也不是這樣，笑言對方可能站在街頭「忟忟哋」，並引用巴士阿叔金句說：「體諒係工作，我都係工作，你有壓力我都有壓力，公職人員態度唔應該咁，如果知警察係咁，細個我的志願唔會做警察。」Paul於街上被警察由街頭點到街尾，斥責他們欠缺默契，並自嘲不懂分哪個膊頭有幾多粒花。
朱茵踢爆
另外，朱茵做跟得女友現身支持，Paul即笑言：「本來唔想帶佢出嚟，霸晒我啲版位。」在旁的朱茵即踢爆說：「係佢叫我嚟。」Paul才笑說：「咁佢平安夜一個人好慘。」除此，Paul提到金融海嘯也有影響所投資的基金，問到是否蝕了老婆本才不娶女友？他即否認說並不關事。
