星爺擬戰單車賽
圖：星爺受單車手歡迎，要合照留念
一向愛踏單車的周星馳，昨日以開幕嘉賓身份出席國際小輪車場開幕禮，不過活動於空曠場地舉行，令星爺和同場的嘉賓都被迫乾曬個多小時，幸他不時和同台的曾德成交談，看來心情大靚。
星爺又表示之後一定會常到車場玩，因他十多年前已經愛上踏單車，問到他有否信心參加比賽？雖然他表示沒有參加過公開賽，但仍表示有信心參加，加上一直都有考慮參賽，所以日後一定會參加，更說：「依家多咗個場地畀後生仔嚟，有機會我又可以嚟啦！」
或拍《少林單車》
問到他何時開戲？星爺即表示已在籌備中，更有計劃在明年開工，題材就會環繞體育和動作。他更笑說：「剛才有人提意開《少林單車》，我覺得都OK嘅！」他又說現時在內地有一些合作的項目正在洽談中，之後或會合作，不過新戲的成本就要稍後才公布。
此外，周杰倫頂替他演出荷里活電影《青蜂俠》後，近日其戲中的造型終於正式曝光，不過星爺就表示沒有看報紙，所以沒有見過他的新造型，還反問記者：「得唔得呀？好唔好？」問到他沒有看報紙，是否因為忙於投資和買樓？他就顯得頗避忌的說：「無呀！我都係拍電影。」而問他是否賣了天比高時，他更禮貌叫記者不要說，其後即離開。
