官恩娜買內衣褲被偷拍
圖：官恩娜、張繼聰與小朋友提前過父親節
本周日是父親節，官恩娜（Ella）及張繼聰昨日聯同三位小朋友到海港城SportX玩電子遊戲，提早慶祝父親節。當Ella玩唱k遊戲時，竟口快快道：「呢個遊戲我在屋企成日玩，唱k嘛！」張繼聰聞言即笑笑，Ella才知自己失言。
問到怎慶祝父親節？Ella表示已問過爹哋，當日他沒空，她亦要開工，加上爹哋什麼都有，所以可能只送筆而已。她道：「爹哋經常返內地，我都好少時間陪佢，不過我哋感情好好。（但父親節沒禮物又沒請吃飯，可擔心爹哋投訴？）唔會，我哋溝通得好好，不過爹哋呢排多咗好多白頭髮，我都好想多啲陪佢。」她又謂日前去買內衣褲，見到有男裝內褲質地好柔軟，原打算買給爹哋或哥哥，但突然聽到售貨員說：「我唔想見報呀！」才知道有人偷拍，嚇得她立即離開，她道：「之前同朋友睇戲，事後都被亂寫，今次又唔知會寫啲咩，我依家好細膽，好驚狗仔隊突然撲出來影相，但自己冇做傷天害理的事，只係講嘢大聲啲啫，但就好易被嚇親。」
張繼聰打機增父子情
張繼聰覺得適量玩遊戲機可以促進父子感情，但就要懂得節制不要沉迷。問到現時可有與兒子一起玩遊戲機？他笑道：「基本上我哋都係對方的遊戲機，例如我玩蜈蚣彈，佢就唔停叫我做多一次，結果一晚我可以彈足六十次，有時買BB籃球同滑板返去，佢又要睇住我玩，無論玩咩佢都覺得爹哋好叻，係我的忠實觀眾，我都覺得很安慰。」
