肥媽批評歌手走音壞風氣
圖：肥媽對當今樂壇有自己的看法
《亞洲星光大道》節目昨日於亞視大埔總台進行首輪面試，吸引過千人參加，年齡由十幾歲至七、八十歲都有。昨日肥媽瑪莉亞、陳啟泰、袁文傑、珈潁及亞視高層葉家寶、鄭偉強擔任評判。肥媽表示見了幾十位參賽者，當中有一、兩個唱得好，不單聲底好，而且外型也不錯，其中一位好似王力宏。肥媽又稱有些參賽者比有些專業歌手唱得更好。
問她對唱得不好的參賽者有批評嗎？她笑說：「冇啦，我通常會聽佢地唱四句，有啲四句都唱到冇一粒音啱的，就立即叮走啦。」記者指昨日的評判除了她之外，其他都不是專業歌手。肥媽稱到正式錄影時，會有特別嘉賓來做評判的。
問她覺得現時的樂壇慘不忍睹嗎？她說：「唔可以咁講，呢個已經係發生咗的事，市民買唱片好似去街市買菜，靚的話會有人買，唔好的話，送都冇人要。」問她有聽過傅穎唱歌嗎？她表示未聽過，但若對方幾次走音就是自己的問題。有些歌手常說因喉嚨不適，所以唱得不好，作為歌手不應該有這樣的藉口。她說：「有啲人走音後，話過咗去的事唔再諗，但冇得唔諗，一定要諗，要記住下次唔好再犯。」
另外，葉家寶表示稍後會邀請台灣的嘉賓來港做評判，完成十三集選出冠軍後，亞視會再辦第二屆。
