李嘉欣擬找代母生小孩
圖：嘉欣雖做了許太，仍努力自己搵錢
李嘉欣（Michele）昨日出席Forevermark周大福港島區旗艦店開幕儀式，早前被指懷有身孕的Michele昨日以fit爆身型現身，並否認有造人計劃，不過卻自爆想找代母生小孩，她說：「有些人想懷孕，不過我唔想，搵代母生都好。」
昨日以水晶跌膊衫到場的Michele先後戴上兩套總值一千四百萬鑽飾，她又獲品牌贈送價值6位數字、重達一卡的鑽石戒指。她稱過往收過不少鑽石戒指，早在剛出社會工作曾試過買一卡鑽戒作紀念。至於曾收到最大的鑽戒是否由老公許晉亨送贈？她說：「我係自己買，不過佢都有送過，我覺得自己買嗰粒最完美！」記者追問她老公送的鑽戒是否比手上戴住的戒指大，她即時說：「大過好多！我都唔係經常買戒指！」
沒有造人計劃
近日有指她的新居入伙，Michele坦白承認，談到造人大計，她則有所保留，並說：「唔使，照平時咁生活，無特別刻意，我覺得望住間屋唔想見到有小朋友！（屋內以白色為主？）唔係！而家比較難想像有BB，好浪費，千祈唔好有住！」記者追問她的奶奶有否給予生育壓力，她稱家人都好識做，只是記者及媽咪催促。她表示：「媽咪話人哋BB好得意，不過我自己想搵代母幫我生！」
自己不想懷孕
她自爆打算用自己及丈夫的DNA再找人懷孕生小孩子，Michele表示：「咁樣生都係自己的結晶品！（怕身材走樣？）有人想懷孕，不過我唔想，搵到合適人選就做代母，咁樣好好！」她坦言丈夫也不知她有這個計劃，不過會說服他，同時會找香港人，因為接受不到外籍人，至於何時實行，她說：「我無預定幾時搵到代母！」
否認人工受孕
對於有傳言她早前到美國人工受孕，Michele強調近十年從來都無入美國境，笑言太多傳聞。至於豬流感快速傳播，她回應：「我唔驚！而家香港人意識高，每個國家都嚴陣以待。（你會否不准老公去美國？）佢好自由，鍾意去邊就去邊！（你婚後都自由？）係！我唔需要人管，佢都唔需要有人管，！（丈夫有否鼻鼾聲？）私人問題唔答啦！」
