早熟李蘊不信有情飲水飽
圖：李蘊和吳彤對愛情各有期待
李蘊及吳彤日前拍攝TVB高清台「愛情研究院」節目，其間大談對愛情的看法和經歷。只得17歲的李蘊從未有拍拖經驗，對未來的對象，她斷言不愛靚仔，希望對方一定要成熟，而且要有經濟基礎。在辯論題目「浪漫是否愛情的全部時」？她認為麵包更加重要，因為「愛情唔可以飲水飽」。
吳彤談失戀
而吳彤在分享自己的戀愛經歷時，坦言自己有「塔羅牌恐懼症」：「因為上年我仲同前度女友一齊時，佢喺情人節嗰晚問個塔羅牌大師我同佢會點；估唔到個大師話佢會有好男友，不過唔知係現任定下一個啫！結果唔夠一個月我哋就真係散咗，佢真係好快識到第二個。從此之後真係唔想再聽到塔羅牌呢三個字！」不過在節目中的塔羅牌環節，姚安娜說他跟現任女友有機會結婚時，他即笑得嘴不合攏照單全收！
