楊思琦配合老公 繼續玩神秘
圓女兒心願有爸爸有弟弟
楊思琦和羅霖為新一集《師父有請》節目任嘉賓，二人都是選美出身，思琦當年更一口氣掃6個獎，在幕前發展得不錯的她卻突然傳出未婚懷孕的消息，震驚娛樂圈，她坦言生小朋友是她的打算，至於跟前男友吳帥分開是大家之間有問題，「件事好簡單，唔係大家想像咁，當時唔敢講，係怕講多錯多。」
分娩後思琦繼續幕前工作，但心情有點抑鬱，「當時被追訪，啲雜誌標題字眼又好唔開心，都擔心前路茫茫，因為生咗小朋友角色有限制，我唔驚人哋點睇，最緊要我有飯食。」至於吳帥並沒有經濟上支援女兒的生活費，思琦認為自己負擔到就沒問對方。思琦除了要養家負擔女兒的學費，還要兼顧其學業上的瑣碎事，「試過返內地工作至凌晨3、4點回港，媽媽才告知囡囡有份功課未完成，當時簡直是晴天霹靂，於是火速為她完成後才去休息。」不過囡囡是知道媽咪辛苦的，「有次佢發燒瞓喺床，佢喺床邊話好擔心我，仲攬一攬我，我個心已經融化咗。」
做了單親媽咪後，最初幾年思琦真的不敢期待「第二春」，亦沒有心情出去約會，但囡囡卻想要一個弟弟。至於女兒會否問起爸爸？「佢冇問，但佢話過想要個爸爸，所以家好開心，亦叫現任丈夫做爸爸，不斷叫爸爸，佢恨咗好耐。」對於現任丈夫身份成謎，思琦稱對方是圈外人，不曝光是尊重對方的決定，「佢話唔想講我咪配合囉，網上話虛擬老公，話我一人分飾幾角編出來，我覺得好搞笑，我點可以諗到咁多嘢？（怪老公？）唔會怪佢，每個人想法都唔同，大家係要適應同要企喺佢角度諗，總知家生活好開心。」
羅霖期待搵個伴
羅霖選美後在娛樂圈工作5年就選擇結婚，可惜最終離婚收場，「離婚唔係一朝一夕，我忍咗好多年，都希望啲仔大啲先，直至佢超越咗我底線其中一點，所以就離婚。」問到為何有勇氣一個帶3個孩子？她解釋起初只是帶細仔離家，不過大仔及二仔主動帶行李去找她。她笑言離婚初期是最多人追求，可惜照顧3個小朋友太大壓力，現時會期待找個伴，「唔使係筍盤，最緊要大家溝通到，心地好、唔使靚仔都可以。」
