黃百鳴周四嫁女好緊張
圖：黃百鳴女兒覓得有情郎
資深電影人黃百鳴愛女黃漪鈞（Alvina Wong）宣布與拍拖兩年的未婚夫林詩澔（Owen Lam）拉埋天窗，並於本周四結婚。二人一直希望到迪拜旅行，於是決定在當地影婚紗相，並由攝影師好朋友Horace Chan親自操刀為二人拍婚紗照，雖然當地天氣酷熱，但無阻兩小口的甜蜜心情。
迪拜拍婚照
Alvina表示：「由於迪拜是阿拉伯國家，信奉伊斯蘭教，所以有較多禮儀需要遵守，我哋影相都要入鄉隨俗，唔可以做一啲太親密的舉動，因為當地人認為未結婚的男女，在公眾地方連拖手都唔得，由於我哋係去影結婚相，都會趁無咩人的時候影番兩張拖手或者擁抱的照片。」
筵開50席
Alvina笑言：「為了配合當地的民風，好多時候都會留在酒店取景，加上酒店本身有一個全球最大的水族館，所以有好多唔同的景可以影，但一出外景就會好辛苦，因為當地氣溫差不多成50度，幸好我嘅婚紗和晚裝都算薄，所以唔會好熱，但Owen就慘喇，大熱天時着住套禮服，所以一off camera就要除外套降溫。」她表示拍照過程很順利，兩日便完成，還有時間去沙漠騎駱駝和古城遊玩。」
即將榮升外父的百鳴哥則難掩興奮的心情，他表示：「第一次嫁女當然好開心啦，心情仲開始有啲緊張，並透露婚宴將會在洲際酒店舉行，並會擺50圍同親朋戚友一齊分享這份喜悅。」
