何謂「燉冬菇」？/□開心鬧鐘
香港人一聽到這個詞語，都會相當敏感，尤其是做政府工或者紀律部隊，相信就更加不想遇到這種情況啦。很多人都知道「燉冬菇」乃畀人降職的意思，但係大家又知不知道，點解一定要係燉冬菇而不是草菇呢？
原來「燉冬菇」與植物根本毫無關係，而係因為以前香港警員的軍裝帽，形狀好似冬菇，高級一點的警察，如CID（探員），都只穿文裝，而不用着軍裝戴軍帽，不過如果不幸做錯事的話，就要畀上級降職，戴返頂軍裝帽做返個普通警員行beat（巡更），即為之「燉冬菇」。
久而久之，這個詞語再不是警界專利，而係每逢講到高級人員被上司降職，不能再好似以前般風光，大家就會用「燉冬菇」一詞去形容！
不過這個字在現今香港社會似乎越來越少用到，皆因經濟不景，公司裁員減薪，一出錯隨時「炒魷」走人，哪還需要「燉冬菇」這麼麻煩呢！
（摘自《開心廣府話》，博益出版）
