羅仲謙「毒殺」周秀娜
圖：羅仲謙回應和傅穎（小圖）是否仍是朋友，他說在心中
周秀娜、羅仲謙三度合作，這次雖然繼續飾演情侶關係，但就加插了靈異事件，造出新戲《猛鬼愛情故事》中葉念琛執導的單元《旅行》，當中Chrissie與謙仔都對對方恨之入骨，更希望對方可以快點死，Chrissie說：「之前係《婚前試愛》我哋就欲仙欲死，依家就肉酸到死！」
首演反派
戲中謙仔會以狠毒方式殘殺Chrissie，不乏有暴力、以武器殺害的血腥場面，但就沒有任何虐打鏡頭，惟早前謙仔剛與傅穎發生過類同的暴力事件，可擔心會被翻舊帳？謙仔坦言不怕，因為這次是演反派，沒有所謂，反而更擔心是演得不夠放不夠奸，只要能演好角色便可。謙仔又透露接這角色剛巧是上一個月的事，笑指是否導演覺得他有潛質？謙仔說：「佢一早想我試下做反派，要求我可以演得放啲，不過都擔心我會因為件事有影響，但我知道我更加要達到要求。（唔怕被觀眾定型？）唔介意，因為個角色係咁，如果出嚟大家仲覺我我係好好先生，咁就反而失敗，會影響工作。」說到傅穎現時慘被雪藏，但相反他卻工作接踵而來，可覺是同人不同命？謙仔即澄清對方不是被雪藏，但公司內部的事自己不多作評論，提到傅穎要公開道歉？謙仔即說：「呢啲在心中啦！（係咪你聽話啲？）唔係，我向來尊重公司。（有無聯絡？）無啦，（再見唔係朋友？）在心中啦！（會唔會見佢捧場？）交咗畀公司處理。」
「遺照」嚇人
而Chrissie表示這次沒有任何性感演出，但卻有「驚人」照片，原來是一幕說她死後，電影公司特別到靈堂拍攝，其中還有她的「遺照」出現，不過當時自己沒有在場，都是朋友傳那張照片給自己，Chrissie說：「睇完都有啲心寒，即刻刪除咗，不過佢哋又傳番畀我，導演仲要無畀利是我，好彩我事後追番。（會唔會畀男友睇？）唔啦，一陣我瞓佢隔離會嚇親啊。」Chrissie又稱以醜樣亮相，望大家看過電影後再見到她都會被嚇倒。
