大同MV畀電梯門夾
圖：大同拍實驗MV，滿足感大
之前爆肺被迫停工的方大同（Khalil）最近重新投入工作，回歸樂壇首支派台歌《因為你》大獲外界好評，更自編自導自演拍極具玩味的實驗MV，實行一嘗導演滋味。其實Khalil一直對拍片感興趣，創作出搞笑的《功夫大同》短片系列放上網跟歌迷分享，今次親自為主打歌拍MV，感覺新鮮。
雙肩紅腫
Khalil日以繼夜為新碟錄歌，忙到連拍MV都度不到期，於是他靈機一觸在錄歌期間以實驗形式自己拍MV！Khalil和兩位拍檔以零化妝set頭的寫實造型上陣，由晚上11點至翌日凌晨5點在錄歌與歌之間騰空拍攝，連長出鬚根都沒時間理會，所以經剪接後MV中的Khalil鬚根有不同長度，跟平時斯文形象感覺截然不同，Khalil說是因為要向歌迷展示最真實一面！其中一幕Khalil站在電梯門中間咪嘴唱歌，兩邊電梯門不斷開關夾向他，身形甚瘦削的Khalil被夾到雙肩又紅又腫，不過他笑言：「都唔係太痛，因為一take過就搞掂，我只係怕我太瘦夾唔中要NG啫，哈哈。」
