劉慧卿怒罵鄭家富「混帳」
【本報訊】記者戴正言報道：民主黨代主席劉慧卿昨日出席進行所謂「義播」的DBC節目《風波裡的茶杯》，接受因政改一役退出民主黨的前立法會議員鄭家富訪問，當場上演一場「反枱騷」。節目開始之後，兩人再就政改問題針鋒相對，「狗咬狗骨」；鄭家富狂轟劉「根本不配做民主黨代主席」，劉慧卿則回敬以「混帳」。結果在節目播出八分鐘之後，劉慧卿留下一句「早抖啦」便憤然拂袖而去。
DBC節目激烈舌戰
節目一開始，鄭家富就引用網友言論諷刺劉慧卿在政改中的立場，質問劉慧卿「咁多批評，點樣去回應，如何去調校」。劉慧卿稱，「我覺得政改，新增十席，係啱。如果時光倒流，我都會繼續支持，啱我就袋左入袋先。」鄭家富則聲稱，如果二○一○年的政改方案放在二○○五年，當時的民主黨肯定不會支持，又嘲諷劉慧卿「你唔好同我拗，你當時唔係民主黨」。劉慧卿即時反駁：「我唔係話放在民主黨，我係話○五年都會通過。」但鄭家富又駁斥稱：「○五年，民主黨當時喺立法會好多票架喎，民主黨唔支持，點通過呀？」
鄭家富亦質問劉慧卿如果接下來的政改方案功能界別不取消，民主黨會怎麼做。劉慧卿說：「我哋個黨梗係會傾啦。」但鄭家富步步緊迫：「你係六屆立法會議員，你唔好成日話，我會傾、我會傾……」他又拍枱，嘲諷劉慧卿說：「○八年，你拍枱鬧到呢，冇二○一二雙普選冇得傾，宜家你又話（要坐低傾）。劉慧卿，點得架？」劉慧卿就堅稱民主黨已經在檢討，嘲諷鄭家富說：「好似你呢啲公就你贏，字又係你贏，呢啲嘅伎倆好叻嘅。」
鄭家富不服氣，又指斥劉慧卿：「你話如果政改方案，放返落○五年立法會都會通過。你係唔尊重我地民主黨當時嘅立場，你根本不配做民主黨代主席！」在一旁的另一位主持人林旭華就「打圓場」說：「客觀啲，（鄭家富）你今天唔係民主黨黨員，你冇資格去……」鄭家富即時打斷他的講話：「我○五年係（民主黨黨員）。」他又說：「我係香港普通市民，我唔可以話呀？」
與鄭家富唇槍舌戰近八分鐘之後，劉慧卿終於按捺不住，她起身說：「我無謂參加呢啲節目。你地自己講啦。」然後又同林旭華講：「你等陣數返，佢（鄭家富）講咗幾多分鐘。咁樣做節目，呢啲叫做有言論自由？早抖啦。」劉慧卿一邊說一邊到演播台後面拿回手袋，然後怒罵「我覺得完全係好混帳。」之後奪門而去。鄭家富則裝作飲水不再作任何回應。
