錢景峰唔信舊愛豁出去
圖：郭秀雲（右）幫兒子錢景峰解圍
郭秀雲、徐靖雯前晚應邀出席置地廣場派對，徐靖雯以一身低胸連身裙亮相，搶盡風頭！而郭秀雲表示，特別前來捧兒子場。
對於有報道指，郭秀雲兒子錢景峰的兩位舊愛陳靜儀（Mia）、蕭美卡（Mika）已預告會推出寫真，更揚言不介意三點盡露博出位；問錢景峰屆時會選購哪一人的寫真？郭秀雲即為兒子擋駕，笑說根本不用揀，為捧朋友場，兩本寫真都應該要買。
「邊夠膽三點盡露」
又問到錢景峰若兩位舊愛相贈可敢收？他即笑說：「唔會唔夠膽收，都唔知堅定流，收到先至算啦，書展都禁咗寫真啦。（佢哋話唔介意三點盡露？）邊度夠膽啊，好多都係做戲，我都睇得出啦。仲有，佢哋都想做職業模特兒，咩都畀晒人睇，就無遐想啦！」錢景峰又笑說，自己可能想買都買不到，因為宅男會大量購買，或會比Lady GaGa的票更加搶手。問到可擔心現任女友呷醋？錢景峰即苦笑說：「佢成日都笑我話我抵死，大家試下訪問佢啊，一定踩到我爆。」
郭秀雲又稱，對兒子舊愛的新聞都感覺麻木，不過其實大家都擁有過美好回憶，如果她們真的覺得寫真集有幫助，自己都希望她們能成功。
徐靖雯拒談嘉穎緋聞
至於徐靖雯，有指其前緋聞男友鄭嘉穎與內地演員穎兒傳緋聞，徐靖雯聞言相當愕然，表示沒有看過周刊的內容，只隨便看過封面，但她不便回答。徐靖雯說：「我希望大家畀啲私人空間藝人，被拍到私隱真係有唔少壓力。」
追問可有跟鄭嘉穎聯絡？徐靖雯沒有回答，僅稱不欲多言，因為大家都問過很多次，自己不想再被誤會，但她亦大讚穎兒漂亮。問到可會致電嘉穎祝福他？徐靖雯說：「我唔係當事人，唔回應人哋嘅事啦。」
