ChiLam夫婦挑戰冰凍靚靚發威
圖：ChiLam（左）和太太靚靚挑戰冰凍的野外環境
【大公報訊】記者吳珊珊報道：張智霖（ChiLam）與太太袁詠儀（靚靚）夫妻檔拍攝內地真人騷節目《一路上有你》，之前與韓國萬人迷李敏鎬玩selfie羨煞村人後，最新一集他們卻慘被糟質，他們不但要捱餓，更要挑戰零度低溫。
扮管家的SJ成員金希澈今次帶領三對明星夫妻到其家鄉江原道，嘗試大自然冬季野營滋味；適逢該處舉行冬季慶典，飢寒交迫的ChiLam夫婦為開飯，要到魚池徒手捉魚，靚靚玉手一沾水已凍到抽筋，大叫：「我的媽呀，好冷呀！」不過她卻大發雌威，邊吼邊捉，結果成功活捉幾條魚，益眾人大擦一餐。之後她與ChiLam在雪地搭帳篷，又要鑿冰取藏於冰內的即食便當，靚靚再度發威，手起槌落鑿爆大冰磚兼神力劈柴，ChiLam就負責生火表演野外韓燒。由於物品不足，靚靚又出茅招去小商店狂掃飲品零食，所以這一餐燒肉配即食麵來得不易，ChiLam亦說：「好感動。」
冰水洗臉徒步過冰河
為應付冰天雪地下露營，ChiLam夫婦帶備兜頭笠鴕鳥枕，造型搞笑，但翌天起床ChiLam要繼續受難，衣衫單薄的他要在零度低溫下落水，但他依然Cool爆，不但用冰凍河水洗臉，更瀟灑地徒步過冷河。
