郭偉強下月做老襯
圖：郭偉強透露下月結婚/資料圖片
立法會最近好事連連，民建聯「高佬」何俊賢拉埋天窗之後，工聯會郭偉強也「好事近」，即將脫離單身之列。他昨日透露，下個月九日將於「The One」擺下四十幾圍結婚酒，宴請各方賓友。
除了工會的一班兄弟之外，全體建制派議員都在受邀之列；官員方面，除黎棟國有事不能出席外，保安局、勞工及福利局以及運輸及房屋局的正副局長和政治助理，應會悉數到場祝賀。
為了確保官員唔好簽完到就走，郭偉強就落足心機安排座位表，將議員同官員打散坐在各席：「到時官員都要?飲我?餐?時候答下議員問題，估計都冇咁易走得甩。」結婚之後計劃暫時與父母共住一屋，郭偉強就笑言，?搵樓方面已經有「時間表同路線圖」，不過宜家香港樓價咁貴，上車對於立法會議員來講都唔係一件容易?事情。
眼見立法會新一年有政改、財政預算案等大堆重大議題要處理，而反對派亦必然會大打「拉布」戰，所以郭偉強的蜜月大計只能「有拖冇欠」，預計要押後至暑假期間才能落實了。
