鄺神唔拆廣告畀Tree gun斷正

大公報 A18：港聞 2016-07-11

　　人稱「鄺神」?「愛情小說家」、民主黨元朗區議員鄺俊宇今年會代表白鴿黨戰超級區議會，宣傳攻勢非常強勁，將佢寫愛情小說?句式都搬到選舉文宣中，講真，鄭晴睇完有少少「毛管戙」囉。估唔到民建聯鍾樹根都好留意「鄺神」，不過唔係睇佢?愛情小說啦，樹根哥係留意到「鄺神」「明目張膽」有塊橫額掛?港島區未拆。於是「根毛毛」就?facebook發帖溫馨提示「鄺神」，仲好抵死咁打埋hashtag，話「#我唔會投訴你?#快D拆喇#唔係地政計你數」。

　　「鄺神」即刻留言回覆：「你話樹根幾體貼，點解政治咁殘忍」，仲諗住乘機「抽水」，hashtag亦打埋「都無得選」。「根毛毛」隨即反擊，改寫「鄺神」?橫額?口號：「讓世代改寫你們的時代」，呢下「反抽」真係「靚抽」。