Madam Cheung女兒藉着跑步說愛你
圖：張姑娘每次訓練，女兒黎賢美均會貼身陪練\大公報記者孫凌奕攝
□93歲的「世界田徑冠軍」張雪玲年輕時家境貧困，獨自拉扯七個子女長大，曾帶着一群子女「瞓天橋底」。人生前幾十年，為生計奔波勞碌，如今年逾90歲，張姑娘卻「母承女業」，在女兒陪伴下，一邊跑步一邊周遊世界，更與女兒的朋友們成為「忘年交」。「佢（媽媽）又風趣，又開放，我成班朋友都好鍾意同佢傾偈」，女兒黎賢美說；母親節怎麼過？「好似依家咁，飲飲食食，嘻嘻哈哈，每日都係母親節！」\大公報記者 孫凌奕
人稱張姑娘或Madam Cheung的張雪玲，早前分別在台灣先進運動會和韓國世界先進室內田徑錦標賽中，戰勝自我，摘得金牌，因而備受關注。為何90歲了還要練跑步、參加比賽？原來是女兒賢美的念頭和鼓勵。張姑娘說話頗為直爽：「一開始佢哋叫我去跑步，跑乜鬼呀，我都90幾歲啦，跑跑跑，唔跑！」
「受騙」參賽換來三面金牌
賢美曾經是田徑運動員，中學起參加香港田徑賽，但退役已數十年。幾年前偶然機會下，和其他退役運動員一起落場跑步，重溫少年時在跑道上揮汗如雨的熱血感覺。當得知台灣和新加坡，都有為退役運動員或長者舉辦的田徑比賽，她與退役朋友們立即再次「披甲上陣」。
「嗰年亞洲賽，我第一次見到好多上咗年紀嘅人，仲可以跑得好快，慢嘅可以行，但都完成比賽」，她說當時即刻想到，母親仍然十分精神，走路「健步如飛」，說不定還可以超越場上的運動員呢！「嗰陣睇到佢哋跑步好熱血，尤其係睇一啲上咗年紀嘅運動員，你覺得佢哋好似好辛苦，但佢哋仲可以跑10K（10公里賽）喔。大家起晒身，拍手掌，佢哋又可以堅持去完成，完成後樣子好滿足，好開心！」
於是，她便萌生了帶着年邁媽媽一起跑步的想法。在女兒和一班朋友的「連哄帶騙」下，好勝心很強的張姑娘，「跑完一次又一次」，最終真的踏上了異國比賽之路。說起比賽，張姑娘又逗趣的說：「預先冇話畀我聽要比賽㗎，如果比賽我就唔去啦！佢（女兒）當時話，我要出去咁多日，唔放心你一個人喺屋企，出去同佢食下嘢，行下街咁樣。」不料就這樣收攬下三面金牌。
與女兒的跑友們成「忘年交」
母女倆的下一步計劃，是去哪些地方比賽？「只要佢仲行得，坐得飛機，我就度度都會帶佢去啦！」除了跑步，張姑娘還喜歡「睇大戲」。女兒小時候，張姑娘帶着女兒看粵劇，如今女兒陪着張姑娘看。賢美說，西灣河的電影資料館還不時播放粵語長片，內容講述四、五十年代舊香港生活的艱苦。「佢睇得好開心，覺得好回味，有時又會好感觸，我覺得感觸冇問題啊，就算睇到喊都冇問題嘛，都係佢嘅娛樂。」
張姑娘和女兒的跑友們，早已成為「忘年交」，跑步之餘一起飲茶聊天，比賽之餘一起周遊世界。賢美說，有些子女覺得，陪媽媽吃頓飯，便已是「交了功課」，其實不應該這樣，「佢可以成日同你班朋友一起嘻嘻哈哈，一起笑，我覺得對佢同對我來講，每一日都係母親節！」
