收藏家：內地當寶香港當草
尋找收音機收藏家，不容易，深水埗有不少二手電器店，舊式收音機仍有售，但稱不上「收藏家」。
「收藏家要對收藏品有愛與執著，如果唔愛，純粹諗住買賣賺錢，唔算收藏。」70歲的朱子貴，是香港碩果僅存古董收音機收藏家之一，曾擁有古董收音機數百台，現仍有數十台。「我係為分享舊聲音嘅美，對美好事物嘅堅持，我希望將呢份精神留畀下一代。」
只為分享舊聲音的美
他是退休電子學教師，曾在香港扶幼會特殊學校教書34年，2003年退休後，為興趣開店。店舖在旺角德發商場，收藏的收音機，大多是上世紀四、五十年代俗稱「膽機」的真空管收音機，來自德國，每台體積龐大，打開底板，可見到真空電子管，特徵是音質優美。
朱子貴愛「膽機」外觀精美，機身裝置燈亮起來時，十分漂亮。他形容，每台都是一個藝術品裝飾，還有獨一無二的故事經歷，十分吸引，「每台都有佢自己嘅故事，有啲經歷過打仗，有啲經歷過被丟棄。今日來到呢度，係緣分，佢哋就好似我個仔一樣，我會盡力保留佢原來嘅聲音。」
喜愛收音機的人，近年愈來愈少，朱子貴慨嘆，「來買古董收音機的大部分是內地人，佢哋對收藏古董收音機好熱衷，當寶一樣。相反，香港冇呢樣嘢，只當係舊物一件，年輕人連收音機係乜都唔知。」不少收藏家因此意興闌珊，退出收藏行列，朱子貴卻堅持保留店舖，希望與同好者繼續分享聽收音機的樂趣。
