移英染疫林子博　不滿學校處理疫情手法

大公文匯全媒體報道：日前喺社交平台自爆在英國確診Omicron新冠病毒嘅林子博，要喺屋企自我隔離，佢憶述近日沒有聚會，群體聚集只係學校，好擔心一對仔女會中招。喺英國生活咗半年嘅佢話，最不滿就係當地處理疫情嘅手法，「唔適應啲人唔戴口罩，唔適應呢度學校處理疫情嘅手法」。

所謂各處鄉村各處例，林子博在片中提到，「呢度唔同香港，有咩頭暈身㷫，就算唔係中咗COVID，正常你一唔舒服，香港嘅學校都唔建議你返學，但呢度照返，所以會出現一個問題，就係剛發病做快速檢測時，未必check到啲咩出嚟，因為嗰時身體病毒可能唔多，可能出嚟檢測結果會係陰性，咪照返學，但到病毒慢慢多，返學就變咗帶菌者，所以正路係應該唔舒服就唔好返學。」