隔空租樓中晒伏　移英黃絲一頭煙

大公文匯全媒體報道，有移民英國的黃絲懶醒咁喺香港隔空租樓，以為去到就可以「安居樂業」！點知，住落先發現間屋漏電又漏水，搞到一家六口無得洗衫又無得沖涼，搵agent(中介)又無人聽㖭。所以話，喺移民前真係應該要認真、仔細咁考慮清楚，畢竟有啲嘢唔係人哋話好就一定係好嘅。

該名移英黃絲日前就喺fb專頁發帖話，一家六口喺上月尾到埗，住之前喺香港搵嘅租屋，已經畀晒1年租金。住落就發現成日跳線，中介搵人檢查，話可能洗衣機微波爐漏電。點知，之後又輪天花板漏水，估計係樓上浴室滲水。樓主大嘆「而家一家6口無得洗衫又無得沖涼，搵agent又無人聽」，話要星期一先有人返工。