（香港文匯報記者 李思穎）由古天樂、張智霖（Chilam）、吳鎮宇、胡杏兒、周秀娜等主演、邱禮濤執導的懸疑推理電影《暗殺風暴》將於下月9日在港上映，故事講述飾演警員的張智霖因扮演其未婚妻的胡杏兒，在一場爆炸案中無辜喪生，Chilam追兇十年苦無頭緒，十年後繼續為未婚妻之死尋找真相。
杏兒飾演的「孟芸」一開場就慘被炸死，此後Chilam經常幻想杏兒在身邊，儼如心靈雞湯，杏兒覺得這個角色很特別：「呢個角色大部分出自於Chilam角色嘅幻想，因為角色意外死咗，裏面有千絲萬縷嘅故事，但我出現嘅方法幾特別。」
Chilam和杏兒曾先後合作劇集《衝上雲霄II》及《魚躍在花見》等，杏兒表示很喜歡Chilam對演戲的想法，大家每次合作都有火花，今次大銀幕首度拍檔亦有新鮮感，尤其是杏兒有一幕臨場背對白的戲，令她印象很深刻，「我記得有一場戲本來嘅對白係佢講，我冇背到佢啲對白，但突然間佢話唔係喎，呢場戲應該係『孟芸』講，跟住我即刻現場背，係好長嘅對白，都有啲壓力，因為係講大家開緊會，對白係啲資料性嘅嘢，又要講到好熟，都係一個難度，佢真係考起我，但有挑戰都有滿足感。」杏兒稱讚Chilam是個好演員，應該拍更多戲；而Chilam又是個好玩和風趣的人，大家開工時會好開心、好輕鬆。
Chilam亦大讚杏兒向來對演出非常認真和專業，態度一流。對於杏兒在片場臨時背對白，他稱：「大家現場有溝通，係覺得呢段對白由佢講會更加適合，唔會難倒佢，佢記性咁好。」Chilam又謂拍《暗》片很順利和開心，除了杏兒，古天樂、吳鎮宇和邱禮濤導演亦時有合作，而且大家好喜歡拍邱導演的電影，因為對方對劇情、拍攝的處理及掌控時間等各方面都很有經驗和準繩，令演員安心又開心。
此外，電影公司昨日推出了10位演員古天樂、張智霖、吳鎮宇、胡杏兒、周秀娜、蔡瀚億、呂良偉、姜皓文、陳國坤及陸永的「暗黑」系列海報，以配合新片宣傳。
