廣東話接受外媒訪問　偉仔童年陰影拒演父親角色

大公文匯網記者　陳惠芳：影帝梁朝偉於Marvel超級英雄電影《尚氣與十環幫傳奇》（Shang-Chi and the Legend of the Ten Rings）飾演反派「文武」，曾缺席幾次宣傳。

但早前偉仔接受外媒訪問時，以廣東話回答令網民大感到驚喜，紛紛大叫「Oh My God（OMG）」！

偉仔說：「「文武」呢個角色，就話嘗試探討佢嘅內心，唔想淨係Focus「大壞蛋」呢個角度。」偉仔又罕有提起父親，說因為爸爸離家出走而令他變得沉鬱內向，拒絕同人溝通，非常壓抑也不識同人打交道！直到20歲加入藝員訓練班,於表演中找到宣洩情緒的出口。」

偉仔同嘉玲婚後並無所出,無兒無女的他亦從未扮演過父親角色。他說：「早前有人找我扮演一位失敗的爸爸，但我推了，因為不想回想昔日父親怎樣對我！」他今次願意演一位同兒子關係疏離的爸爸，是因為導演同他說：「雖然你的角色唔係超級英雄，但係你嘅角色有好多層次。」所以就決定接下角色，更成了他第一套荷裏活電影。

該片今日（2日）在港上映。偉仔除了上載手拿自己Figure公仔照片到社交網外，預告片中還見到偉仔同陳法拉結婚場面。法拉身穿紅色旗袍手拿紅色花球，偉仔穿上西裝，兩人手捉手甜蜜對望。