（有片）張敬軒自認為黎明粉絲　演唱會合唱圓追星夢

（大公文匯網 記者 陳惠芳）昨晚（17日），黎明（Leon）紅館演唱會第八場嘉賓為張敬軒，二人都是「早餐界」的代表人物。Leon有「唔可以空肚食早餐」金句，而軒仔因為經常分享家傭獨特廚藝而成為「早餐界KOL」，兩人台上講早餐，觀眾笑到拍手。自認Leon忠粉的軒仔，特別選唱《我的親愛》與Leon合唱圓追星夢。

軒仔對Leon說：「你就唔可以空肚食早餐，而我就食完早餐都空肚！」Leon問點解，軒仔說：「屋企請咗個十分優秀嘅家務助理⋯⋯」Leon恍然大悟。軒仔續說：「所以我哋上次食飯嘅時候，我咪食好多，食咗兩份。」Leon感嘆：「有時真係可以練到EQ！」全場爆笑。講完食早餐，軒仔手舞足蹈地說：「今日真係好開心，我真係無諗過可以企喺黎明嘅舞台！好神奇，只要前奏一響起，就好似坐上時光機，返到去最開心最快樂嘅時代，好多謝你今次開演唱會，令到我哋可以喺呢個美好回憶當中嚐到一點甜，好重要。」

軒仔自認是Leon忠粉，他說：「以前有前輩同我講，如果遇到崇拜嘅藝人要保持距離，保持幻想空間。直至我同Leon近年食過一餐飯，之後才開始有聯絡。終於印證到，我2002年入行，行內每當有人提到黎明，大家都會話『佢真係好好人』。的確，Leon係我遇過、相處過嘅前輩最體貼嘅人。」