黃店再爆虐貓　遭黃絲圍插罷食

大公文匯全媒體報道，有黃店竟公然虐貓，仲要係屢教不改，好多網民激到火都嚟，話要罷食！有人喺網上披露沙田黃店「榮樂茶餐廳」嘅兩次虐貓事件，頭一次係將一隻叫「旺旺」的貓咪用繩長期綁喺門外，牠的眼睛發炎亦好瘦削，從相關圖片可見現場環境非常惡劣，目測貓貓走動嘅空間好窄，而且食物兜入面大多係廚餘和魚骨，食水兜也十分污糟。之後愛協上門後隻貓仲「失蹤」埋。但「榮樂」仍然死不悔改，近排又養咗另一隻貓「小白」，但貓咪瘦到皮包骨，而且對眼發炎，身上亦多處有傷口，嘴角更有血跡，更好似畀老闆打斷手。惟「榮樂」老闆仲要不斷狡辯，更爆晒粗地鬧返其他關心貓貓嘅人士，真係冇陰功囉。

咪以為黃店真係大晒㗎，不少網民睇到人眼火爆，批評：「黃就可以虐待動物？」，話「睇完個post，太子女仲要係（喺）貓group 扮有愛心，成家都偽善到××。」、「又多間店畀人踢出黃色聖人圈。」