疑驚涉「初選」被捕　傳黎銘澤已走佬英國

大公文匯全媒體報道，攬炒派新民主同盟西貢區議員黎銘澤，佢日前被傳出好耐無蒲頭，疑似驚因為有參加違法「初選」，已靜雞雞離開香港去咗英國。面對坊間議論紛紛，佢噚日終於就喺fb發文，正式宣布會辭去區議員一職同退出新民主同盟，聲稱係由於區議員要宣誓一事，但事實上係點，大家心照啦。

黎銘澤在帖文仲講到自己鬼咁「正義」，聲稱今次宣誓係要「明目張膽竊取2019 年選舉結果」，「是在每位民選議員頸上架起一把刀」，所以佢考慮自身情況，認為自己可以承擔失去區議員一職嘅代價，決定成為站出來說「不」的人。但始終冇回應係咪已經走佬去英國，不少網友亦質疑佢心虛想走人，揶揄「唔想被捕，唯有避捕。」