（香港文匯報記者 梁靜儀）鮑起靜（鮑姐）和余香凝（Jennifer）早前合作拍攝微電影《日子總有我伴你走》(暫名)，影片由陳小娟監製、林子謙執導及編劇。故事講述Jennifer因大學畢業展演而未能出席婆婆的喪禮，令她留下遺憾，於是去做社工，收到患有失智症的鮑姐求助，希望做其孫女，她遂幫對方完成心願，陪她度過人生最後一段日子。懷有身孕的Jennifer戲外也相當尊敬鮑姐，也會聽對方鼓勵多生幾個，讓小朋友將來可互相陪伴對方成長。
日前Jennifer與鮑姐為微電影宣傳。微電影率先分別於美國《Top Shorts Film Festival 2021》榮獲「最佳女配角－鮑起靜」、「最佳原創故事」、「最佳新晉導演（榮譽獎）－林子謙」，以及在美國洛杉磯《Independent Shorts Awards (ISA)》中榮獲「每月最佳短片─亞軍」、「最佳演繹組合—余香凝、鮑起靜」及「最佳新晉導演—林子謙」。Jeniffer說：「都算係電影班底，影片仲參加了『創+作』比賽，無論贏唔贏都好，只係班底都已經贏咗。」
鮑姐有意入老人院度餘生
Jennifer表示非常多謝鮑姐答應演出，鮑姐直言是被劇本感動，睇劇本時就想，如果可預先安排有人這樣陪自己度過人生最後一段日子已很滿意，她說：「個女現在喺英國居住，經常唔喺身邊，所以都有啲感同身受，（擔心遲啲剩返自己？）自己係會有啲擔心，我唔係擔心我自己，係擔心我老公，如果我走先剩低佢，我會覺得好淒涼，所以我已預先同個女兒講，如果我走先，一定要照顧好爸爸。反而剩低我，我去老人院一定冇問題，我唔想成為下一代嘅負擔，識得有個Auntie喺老人院住都好開心，我都有同余安安講將來約埋住同一間老人院。」
去年11月拍攝微電影期間，Jennifer已懷有身孕，她指幸好狀態好，未有出現太大妊娠反應，成個團隊也很錫她，不用埋位時便叫她入去休息。Jennifer續言想工作至生B前，但會視乎疫情而定。問到老公是否批准？她笑說：「佢咩都會支持。」
戲裏戲外同樣是做人孫女的Jennifer，表示婆婆早前不舒服入院令她非常擔心，因對方年紀大又是獨居老人，而她因為「粗身大細」加上疫情，家人都不准她去接婆婆出院，她說：「呢個疫情下，明明好想去關心對方，但又會因為你愛惜那個人，叫佢唔好嚟，不過婆婆知我有BB非常開心。」
她又表示等埋位前會與鮑姐大談媽媽經及家庭：「我同鮑姐都係巨蟹座，而巨蟹座係好媽媽，我會視鮑姐為目標，鮑姐鼓勵我起碼生兩個，等小朋友可互相陪伴對方成長比較好，又可養成不自私的性格，咁我聽鮑姐話，生多幾個。」當問到她懷孕多少個月、預產期及會順產還是剖腹生產等問題，她都一概不作透露。
