孔德賢稱不需跟廖慧儀劃清界線

（香港文匯報記者 李思穎）孔德賢早前被指介入應屆落選港姐廖慧儀與前男友Sam的第三者，本月初Sam疑受情所困墮樓身亡，事後孔德賢和廖慧儀的社交平台遭網民「轟炸」，兩位當事人即時「潛水」，昨日在台慶頒獎禮記者會上，孔德賢終現身見傳媒，輕鬆面對有關問題，看來有備而來。

孔德賢透露這段時間正忙於拍攝《把關門者》，並主動提起被指抽起《2020勁歌金曲優秀選第二回》主持工作一事：「本身是安排好做主持，後來因拍《把》劇，臨時作調動。」至於受網民轟炸，他表示：「也是見到新聞才知件事（指Sam墮樓），這事大家都不想發生，我好唔開心，網民一窩蜂留言，屋企人同朋友都好擔心我，自己休息幾日收拾心情便繼續開工，（同廖慧儀關係？）一直都是朋友、同事，沒特別進一步，（網民從你們放上網的照片中，發現你們相約行山？）嗰日我去咗行龍脊，人多到好似行花市，不過我係約了《後生仔傾吓偈》的拍檔Anson行山，全程冇見過廖慧儀，亦唔知佢有冇去。（有跟廖慧儀聯絡？）無，覺得佢需要空間和休息，無謂作太多額外關心，（公司有召你照肺？）發生新聞後，公司有向我了解一下，何哲圖同余詠珊都有打畀我，叫我收拾心情做好自己，而且我是新人，他們教我如何面對輿論壓力。」

他再強調現時是單身，跟廖慧儀不是情侶關係，也沒有非分之想，問到是否覺得很無辜？他謂：「這件事全香港無人想發生，但唔開心嘅事不好用無辜去講，沒必要多加討論，免得對方屋企人睇到會唔開心，相信廖慧儀身邊人都會擔心。希望事件告一段落！同時也沒需要同廖劃清界線，大家是同事，之前在公司見到都有打招呼。」