邢慧敏不走靚女路線 最想挑戰武打角色
香港文匯報訊（記者 梁靜儀）邢慧敏（Sharon）、黃劍文、林寶玉、關楓馨及劉晨芝等前晚出席台灣男星許光漢主演的電影《瞞天過海》首映，關楓馨表示因未有經理人陪同未能接受訪問。
Sharon坦言喜歡睇靚仔，故前來捧場，問到影片男主角是否她的理想型？她說：「我鍾意比較風趣嘅，搞笑傻吓傻吓，佢比較文靜。」
Sharon在卸任港姐後加入劇組，並有份參與劇集《法證先鋒6 倖存者的救贖》拍攝，她坦言不是主要角色，但有得發揮，最開心是見到好多前輩，學到好多。新一年希望可以多拍劇，嘗試不同類型角色，最想演搞笑或武打角色，她說：「我畀人嘅形象似硬朗同形格，如果係武打戲觀眾們接受程度高啲，自己唔係行靚女路線，唔怕受傷，而搞笑角色就可帶歡樂畀觀眾。」
黃劍文剛打入《中年好聲音2》十五強，他表示正努力練歌，準備之後的比賽，不過現時已學懂放鬆心情面對，壓力已沒當初大，因開始熟習舞台、評判，反而開始享受演出，希望發揮到自己平時表演的水準。問到覺得哪位對手比較強勁？他說：「安雅希及馬米羔都好厲害，每次都準備充足，係好好嘅對手。」最近由元朗搬到市區住的他，透露因要還原間舊屋交樓，因他鍾意將屋企油到色彩繽紛，新屋都是自己油。
