游嘉欣指曾網購「中伏」
香港文匯報訊（記者 梁靜儀）游嘉欣（游游）昨日到尖沙咀出席代言的銀行產品發布會，嘉欣表示平日經常網購，最愛買衣服，她笑說：「網店唔使交租，啲嘢會賣平啲，我通常一次過買十件八件衫，但唔會買太貴，都係百零二百蚊件衫，因為有時收到貨物時，可能又未必鍾意了，唯有轉送畀朋友或捐出。」
游游又稱網購買得最多一次都是一千元左右，問到可有試過貨不對辦？她坦言都試過「中伏」：「有時喺網站睇到啲Model着得好靚好Fit，但自己着上身又唔係嗰回事，同埋有時出現色差，不過𠵱家網購比以前有保障，又可以退貨。」除了買衣服，游游表示還會網購食物及家居用品， 亦有想過開網店賣食物，因為自己喜歡食。
