蕭正楠靠凍到震投入狀態 陳豪「毒王」造型獲讚好型
香港文匯報訊（記者 梁靜儀）陳豪、胡定欣、蕭正楠、張曦雯主演的新劇《破毒強人》，前晚（31日）首集開播已張力十足，獲網民讚有電影感。
劇集甫開始是全身被插滿針筒的葉浩天（蕭正楠飾），眼神既迷幻又空洞地躺在地上，配以蕭正楠獨白「我望住我個靈魂一直向上飄，愈飄愈高」及鏡頭角度，甚有戲味。蕭正楠透露為了Overdose（一次服用或給予過多的藥物）一幕花盡心思，深刻又難忘：「我覺得嗰時個人應該失禁，所以同導演講話加啲失禁嘅畫面，但原來濕晒條褲、瞓喺廠嘅地板度係好凍，因為嗰時係冬天、又吹住大冷氣，再加上我就算劇組執燈、執機位我都盡量唔郁瞓返喺個地度，個地板係凍到我不停打冷震。」他續指就是這種「打冷震」的狀態讓他更能投入角色：「反而我覺得正喎，我就係需要呢種感覺，工作人員問我使唔使畀啲暖手嘢，我全部話唔使，仲話你由我震得啦，我自己一路震、一路震，變相roll機時就好易掌握到個狀態。」
劇中飾演「一代毒王」文華的陳豪，角色引發網民熱議，「毒王」造型獲讚好型；其角色是否真患上末期癌症亦引發熱議，不少網民懷疑肺癌只是文華獲取假釋的手段。與陳豪有不少對手戲的張寶兒，獲讚演技自然。
