阮浩棕演文武生大挑戰 劉穎鏇化粵劇妝感新鮮
香港文匯報訊（記者 梁靜儀）張振朗、龔嘉欣、劉穎鏇及阮浩棕主演的無綫新劇《靈戲逼人》今晚(3日)首播，為劇集唱插曲《似夢迷離》的振朗，夥拍潘靜文（Sherman）合唱，獲讚「中年好聲音」之餘，網民更搞笑「召喚」龔嘉欣加入獻聲。
《靈戲逼人》除了張振朗和龔嘉欣的人鬼戀值得關注，亮點還有新生代演員，包括阮浩棕、劉穎鏇和吳子冲，分別飾演同樣熱愛粵劇的方浩東、葉敏敏及呂智傑，三人不畏艱辛及長輩反對，共同創立粵劇戲班，追夢過程青春又勵志。
阮浩棕飾演熱血追尋粵劇夢的浩東，為了突出角色熱血及年輕感，事前特意操大隻及曬黑，相當用心。劇中他會擔任文武生大晒粵劇功架。他透露有特意上堂學習粵劇基本功，坦言是一大挑戰：「慶幸現場有心姐（謝雪心）可以請教，劇組亦有搵嚟一位文武生到現場幫忙指導。好記得其中一場大戲場口，呢位文武生讚我有天分演到大戲嘅味道，嗰刻都幾有成功感！」
升呢「新一代女神收割機」的他，談到與劉穎鏇合作，他笑言：「最初覺得佢唔係好講嘢有啲高冷，後來發現原來只係佢怕凍，喺廠入面凍到唔願出聲！」
劉穎鏇劇中飾演二幫花旦兼動作替身演員，從未接觸過粵劇的她，事前都有專誠搵唱開大戲嘅Auntie請教唱粵劇腔和造手，現場亦有師傅指導及調整她的動作，希望盡量模仿到個神韻。穎鏇又大呼化粵劇妝有新鮮感：「每次整頭加化妝都起碼要兩個鐘，唔單止化妝好特別，就連黐頭髮都好得意，會用一啲植物去整到個假髮好黏。其實落妝都唔太難，但要慢慢咁捽走啲色。」她又認為今次跟之前拍打戲有分別：「相比之前嘅埋身打鬥，今次主要係挑戰揸住劍嚟打，都有一定難度。」
