久未在港現身大型首映 發哥驚見人海笑稱鄉下仔出城
香港文匯報訊（記者 子棠、梁靜儀）周潤發（發哥）與袁詠儀（靚靚）近日頻頻現身為主演的新片《別叫我"賭神"》宣傳，昨日發哥與靚靚、方中信、柯煒林及安志杰以及出品人陳薈蓮（發嫂）等，到觀塘出席電影首映禮，吸引大批市民圍觀，令發哥都大感驚訝。安志杰的太太Jesscia C.更偕同一對子女由美國回港捧場，其間兩人又咀嘴，表現恩愛。
熱愛跑步的發哥率領一眾演員緩步跑出場，發哥又與現場觀眾大玩自拍影大合照，並提議用手機透過AirDrop傳相給所有觀眾，但因網絡問題未能成功發放，最後只有將大合照放上社交平台，他又約定大家今日在九龍公園一齊跑步。
會後發哥與靚靚及柯煒林一起受訪，問到發哥是否已多年未有在港出席大型首映活動？首次到該商場出席活動的發哥笑說：「我都好驚呀，人山人海，我鄉下仔出城，未見過咁多人，暈暈哋，現在定返啲啦，心情都好興奮。」說到與現場觀眾影大合照，發哥形容開心得不得了，又指場面好震撼。
戲言朝早跑完步順便謝票
談到他日前突現身影片謝票活動，發哥表示觀眾反應都好正面，會否再跑多幾場謝票活動？發哥開玩笑說：「搵日跑開步時，就跑埋謝票囉，我同監製講，平日跑步係朝早6點幾，唔知大家有冇咁早起身？」靚靚就提議發哥搞謝票黃昏場。發哥就回應道：「我冇乜所謂，我呢啲失業人士，浪費青春，可以跑多幾場，早、午、晚、宵夜場，子夜場都可以，（叫埋啲後生一齊跑？）啲後生把鬼呀，跑嗰兩跑就走先喇！」柯煒林就稱自己也有跑謝票場的經驗，不介意多跑幾場。
問到若票房好，會向觀眾派什麼福利？發哥笑稱要去新會訂大葵扇，撥到令人精神。靚靚就笑指自己帶發哥出來見大家已是最大福利。問到靚靚會否跟發哥一齊跑步？她坦言：「我喺終點等大家，其實我都跟發哥跑過一兩次，但真係太早，發哥都有同我講，話等天氣涼啲可以跑下午四點場，到時大家就見到我。」發哥指要12月，靚靚就嫌屆時又凍了一些。問她跑步是否也會帶同名貴包包？發哥就笑她：「靚靚係跑步健將，啲名貴手袋裏面裝滿名貴珠寶。」靚靚即否認，發哥笑言靚靚叫老公去買。
另外，問到發哥會否開拍續集？發哥就指靚靚的角色已經死掉，如何開拍續集？又笑言若開拍續集，戲名是否叫《我唔係好精神》。靚靚就稱好想發哥重演《親情》的角色「木嘴輝」，因為轉數快，她都有經常問發哥吃什麼補腦。
